八點九番學，三點放學

我讀中學時，八點九先番學，三點放學。

五分鐘班主任課，個先生行上嚟都去咗嗰五分鐘。於是，中六中七時，多由班長代勞，老師連人也不用出現。
八點十，準時開檔。每堂七個字，加小息同食飯，三點收工，老師和同學們齊齊奔向自由。
到我教書時，清晨八點便全校立正，校長重要訓話，主任隆重宣布，再加籃球班足球隊棋藝會草裙舞輪流頒獎，千九幾人汗如雨下，焗住在台下啪啪啪，已不談那些大佛經玫瑰經和金剛經了。
咁就去咗寶貴的粒幾鐘，仲有什麼早讀時段校服檢查收派通告，都仲未開得書。天天一樣，幾間學校也如是。校長話要訓練學生自律精神，全校整齊一致，共享其他同學喜悅。我是老師，我實信㗎。
同學仔，聽我話，唔好信d老嘢講。越早出世，世界越簡單，越美好。